HAYAANNEWS.NET
Ramadaanku Waa u Fursada Cimiriga Qofka
May 29, 2019 - Written by admin

Ramadaanku waxa uu fursad u yahay Muslim kasta, waxaa uu fursad u siiyaa inuu ka mid noqdo Mutaqiintii Illaah jeclaa, oo waxaa u siman Caalimka Iyo Caabidka in ay ka faa’iidaan, waxaana uu Illaah u yaboohay qofkii Ramdaanka fursadahiisa ka faa’iideysta inuu gaadho darajada ah

Ramadaanku waa fursad lagu toosiyo nafta oo aan lacag kuugu fadhin, waa siminaar tarbiyo ah oo aan kaaga baahnayn inaad u safarto, waxa uu fursad u yahay kan naftiisa Balwada daalisay ee hanan waayay, oo waxaa uu uga faa’iideysan karaa inuu ka wada hadho noocyada balwadaha oo dhan maadaama uu fursad u helay inuu Soomo maalintii, waxaa uu isku dayi karaa sidaas oo kalena inuu Habeenkii ku mashquuliyo naftiisa Salaad iyo cibaado kale, waqtiga u soo hadhana jiif uga faa’iideysto, waxaana dad badan oo Balwado lahaa la hubsaday in ay kaga daawoobeen Bisha Ramadaan markii ay si wanaagsan waqtigooda uaga faa’iidaysteen.

Waxaa uu Ramdaanka sidoo kale Fursad u yahay ruuxa ka gaabin jiray Sunnooyinka Rawaatibta ah iyo kuwa kale, maxaa yeelay waxaa uu Ramadaanka inta lagu jiro helayaa Muslimka sooman jawi ku Saacida inuu Naftiisa ku Xakameeyo Kheyrka noocyadiisa kala duwan, waxaana xasuusin mudan Qiyaamaha marka la tago oo la xisaabinaayo Muslimka waxa ugu horeeya ee laga Xisaabiyaa waa Salaada Faralka ah, hadii Salaadiisa wax ka dhinaadaana waxaa la fiiriyaa Sunnooyinka Raacsanaa salaada taas oo kab u noqota haduu la imaan jiray sida uu noo sheegay Nabigeenii Suubanaa (naxariis iyo nabag aalaha yeelee).

Ramadaanka waxaa u fursad u yahay kuwa ka hijrooday Kitaabka Qur’aanka akhrintiisa, in ay dib isu saxaan kana faa’iideystaan jawajiga wanaagsan ee Ramadaanku Xambaarsan yahay, Maxaa yeelay Maalmaha Soonka waxaa uu Muslimka Sooman helaa Fursad iyo Awood Cajiib leh taas oo u suuro galiso Maalin kasta Kitaabka inuu waqti badan ku bixiyo, maadaama lagu jiro Bishii Qur’aanka, waxaana xasuusin mudan Xaraf walba oo qur’aan ah oo uu Ruuxa akhriyo inuu ku helaayo 10 Ajar, taas oo kobcineysa Iimaanka Muslimka siineysana Karti uu Sanadka intiisa kale ku dhaqdhaqaaqi karo kheyrkana uga faa’iideysan karo.

Ramadaanku waxa uu Fursad u yahay Gabadha Muslimka ah ee xoogaa ilow iyo dabaca lasoo gudboonaaday ee Xijaabka dabcisay ama Xijaabka ka tagtay inay dib isu Xisaabiso, soona Ceshato wanaageedii, kana faa’iideysato Nicmooyinka Ramadaanka ka Buuxa inta aanay dhamaan fursadan aan damaanada loo heysan in dib inoogu soo laaban doonto.

Ramadaanku waxaa uu Fursad u yahay kuwa taleefoonada iyo Inter netyada xumaanta u adeegsan jiray in ay Naftooda ku xakameeyaan Bishan Barakeysan kana dhowrsadaan waxyaabaha aan Aduun iyo Aakhiraba wax u tareyn, amaba Dembiyada khatarta ah dadka u jiida, waayo waxaa badan dambiyo la yaraysto laakiin albaab u noqda dembiyada kuwa ugu waa weyn, oo waxaa la yidhaahdaa buurahaba waxay ka sameysmaan dhagxaanta quruuruxa oo isu tagtay.

Ramadaanka waxaa uu fursad u yahay kuwa u bartay nolosha barwaaqada ah in ay ogaadaan Baahida xanuunkeeda, taas oo dhaxashiisa in ay u dhibriyaan kuwa bahaan ee gaajada ku noolaa Sanadka oo dhan, taas oo ku dhalisa in ay Quudiyaan masaakiinta xoolahoodana wax ka bixiyaan, islamarkaana illaah (cw) ugu mahad celiyaan Nicmooyinka uu ku galadaystay.

Ramadaanku waxa uu fursad u yahay kuwa Naftooda ku mashquulisay Fidnada iyo Daadinta Dhiiga ee ku hawlan Barakicinta Masaakiinta Muslimiinta ah ee 20ka sano Dhibaatada ku jiray inay xisaabtamaan oo ay ka Soomaan Xumaanta sida ay uga Soomeen Cunadii iyo Cabitaanadii xalaasha ahaa, waxaa la yaab leh ruux Xalaashii uga tegay Soonka Dartiis Xaaraantiina raba inuu ku Cibaadeysto Soonka dartiis, waa la yaab in laga Soomo Cuntadii ee aan laga Soomin Dhiiga Muslimiinta ee weliba Cibaado la Moodo.

Hadaba Si aan uga Faa’iideysano Fursadaha Bisha Ramadaan waa inaan la ku Dadaalnaa arrimaha Soo Socda:

1-waa in aan u degdegnaa Towbad keenida Illaahna Dembi dhaaf ka dalbanaa maxaa yeelay waa bil dambiyada la dhaafo.

2-Tan labaad waa inaan baranaa Cilmi ahaan wixii ku saabsan soonka iyo Cibaadka Bishan ku jira oo dhan sida Ictikaafka, Cumrada, Zakada Fidriga iwm.

3-Waa inaan go’aansanaa inaan ka faa’iideysano Bishan camalada suuban oo dhan ku dadaalnaa.
4-Waa inaan sameysanaa jadwal maalmeed aan ku xisaabino Nafteena oo aan ku xakameynaa.

5-Waa inaan oganaa in Ramadaanku yahay Maalmo kooban oo aanay sahal nagu dhaafin habeen iyo maalinba.

6-Waa inaan u guntanaa inaan ka dhigno halkan Ramadaan mid u dhigma xaga Ajarka Ramadaano badan, taas oo ku imaan karta inaan uga faa’iidaysano si walba kaalmo la siiyo masaakiinta, in la afuriyo kuwa aan haysan, in la xidhiidhiyo eheladii iyo in waqtiga aad loo ilaashado iwm.

7- Waa inaan Bishan ku weyneynaa akhrinta Quraanka watiga badankiis maadaama Bishan ay la leedahay Qur’aanka xiriir gaar ah.

Hayaannews, Office

Hargeysa, Somaliland

COMMENTS
- A. N. & Horumarka
- Afka Hooyo
- Afnugaal
- Aftahan
- Alaybadday
- Aljazeera
- Aljzeera English
- Allaybday
- Almisnews
- altaqwaa
- Amiin Caamir
- Araweelo News
- ASKAR'S BLOG
- awdalpost
- BBC SOMNALI
- Berberatoday
- Berberapress
- Burao university
- Burco Online
- Caroog
- djiboutimedia.com
- Djiboutination
- durdurnews
- Farshaxan
- Gabileynews
- Gabiley24
- Gabooyelive;com
- Gamuur Trading Company
- Gardo
- Geeska.net
- Goljano
- haatufnews
- Hadhwanaagnews
- Hayaannnews
- hornjobs
- Hubaalmedia
- Hargeysa-online
- hoyga suugaanta
- jamhuuriya news
- Murtimaal
- Ogaalnews.Net
- Oodwayne News
- puntboys
- qarannews
- QODAaL.COM
- Qtlhost.COM
- Raadtv international
- Radio somaliland
- Radio Timacade
- Radiohargeysa
- RadioHargeysa24
- Ramaasnews
- Saaxilnews
- SalalNews
- Sallaxlaynews
- Sanaag.org
- Sanlaawenews
- sdwo
- sheekhumal.net
- Somalilandpress
- Somdaily.com
- Somaligoal.com
- Somaliweyn
- sooyaal
- Timacade News
- TogaHerer
- Togdheernews
- tvSomalilandEurope
- Waaheen
- Wanaagfaris
- warya Tv
- Watershed Legal Service
- WAJAALENEWS
- www.caalaminews.com
- www.radiohargaysa.net
- www.Timacade.com
- Xidigtanews
- XOGDOON NEWS
- Xoriyonews