Hargeysa(Hayaannews): Guddoomiyaha Xisbiga Mucaaradka ah WADDANI mudane Cabdiraxmaan Maxamed Cabdillaahi (Cirro), ayaa ballan qaaday inuu garab taagan yahay Saxaafadda Somaliland iyo Weriyeyaashaba,

ka dib kulan dhex maray Guddoomiyaha, Masuuliyiinta Ururka Suxufiyiinta Somaliland ee SOLJA iyo Qaar ka mid ah Weriyayaasha ka hawl gala Magaalada Hargeysa.

Weriyeyaasha ayaa Guddoomiyaha la wadaagay walaaca ay ka qabaan wareegtooyin ka soo baxay Wasiirka Warfaafinta oo caqabad ku noqon kara xoriyadda hadalka iyo madax- bannaanida warbaahinta Somaliland

Guddoomiye Cirro ayaa tilmaamay in ay Saxaafaddu door weyn kaga jirto dimuqraadiyadda iyo horumarinta dalka,

 Waxaanu xusay in ay ka xun yihiin wixii sharciga baal marsan ee lagula kacdo Warbaahinta.