Hargeysa(Hayaannews): Afhayeenka Xisbiga WADDANI, ahna Xildhibaan ka tirsan Golaha Wakiillada Somaliland Barkhad-BATUUN, ayaa ugu baaqay taageerayaasha Xisbiga WADDANI iyo guud ahaanba shacabka reer Somaliland inay fartooda ku cumaamadaan hoggaamiye u hor-seedi karaya horumar Somaliland.
Sidaa waxa uu ka sheegay Barkhad Batuun mar uu ka hadlayay shirkii u dambeeyay ee Guddida Fulinta Xisbiga oo ka qabsoomay Xarunta Dhexe ee Xisbiga ee Magaalada Hargeysa.
“Waxaan u soo jeedinaynaa taageerayaasha Xisbiga (WADDANI),waxaan u soo jeedinaynaa shacabka reer Somaliland inay-u-diyaar-garoobaan doorashada madaxtooyada oo ay fartooda ku cumaamadaan hoggaamiye horseedi-karaya horumarka Somaliland..”
“Maanta 4-sannadood ayaa buuxsamay oo shacab baddani fartooda dhexda ka qaniinayaan, laakin waxa bilaami doona 5-sannadood oo shacab baddani fartooda mallab ka leefi-doonaan”.Ayuu yidi Barkhad Batuun.
Mustafe Abdi Maxamed (#Mustafe_Janaale)
Isha ku hay Shabakada caalamiga ah ee WWW.Hayaannews.net oo kala soco wararkii ugu danbeeyey adduunyada.
#Hayaannews, Office
Hargeysa, Somaliland
EMAIL: Hayaannewsonline@gmail.com
