INNAA LILLAAHI WA INNAA ILAYHI RAAJICUUN
Hargeysa(Hayaannews): Madaxweynaha Somaliland Md. Muuse Biixi Cabdi ayaa waxa uu tacsi u dirayaa shacabka reer Jabuuti iyo Madaxweynaha Jabuuti Ismaaciil Cumar Geelle, isaga oo ka tacsiyadeynayaa Geerida timi Maamulihii Dekedaha Jabuuti Marxuum Sacad Cumar Geelle oo ku geeriday dalka Faransiiska.
Sidaa waxa lagu sheegay Warsaxafadeed xalay niskii danbe ka soo baxaya Madaxtooyada Somaliland, waxaanu u dhignaa sidan:
“Madaxweynaha Somaliland Waxa Uu Dhambaal Tacsi Ah U Dirayaa Shacbiga Jabuuti Iyo Madaxweynaha dalkaasi.
Madaxweynaha Jamhuuriyadda Somaliland, Mudane Muuse Biixi Cabdi, isagoo ku hadlaya magaciisa, ka dawladda iyo ka shacbiga Jamhuuriyadda Somaliland, waxa uu dhambaal tacsi ah u dirayaa qoyska, qaraabada, ehelada, asxaabta iyo shacbiga Jamhuuriyadda Jabuuti, ee uu ka baxay alle ha u naxariistee Marxuum Sacad Cumar Geelle oo ahaa maamulaha dekeda Jabuuti, kuna geeriyooday maanta dalka Faransiiska. Waxaanu Madaxweynuhu si gaara uga tacsiyadaynayaa geeridaasi Madaxweynaha Jamhuuriyadda Jabuuti, Mudane, Ismaaciil Cumar Geelle oo marxuumku ahaa walaalkii.
Waxaanu Madaxweynuhu marxuumka ALLE uga baryayaa inuu naxariistii janno ka waraabiyo qoyska, qaraabada, ehelada, asxaabta iyo shacbiga Jamhuuriyadda Jabuuti, ee uu ka baxayna samir iyo iimaan saadiqa ka siiyo.”
Aamiin Aamiin Aamiin
Hayaannews, Office
Hargeysa/Somaliland
