Hargeysa(Hayaannews): Cali Maxamed Yuusuf (Cali Gurey) ayaa sheegay imaanshiyaha Maxamed Cumar Carte ee Magaalada Hargeysa ay ka danbeysay, kadib markii Aabihii oo xanuunsanaya loogu qeylo dhaan direy. Sidaa waxa uu Cali GUREY waxa uu ku sheegay qoraal uu soo saaray oo ay maanta heshay Shabakada Hayaannews
“Sababta loogu ogolaaday Maxamed Cumar Carte Hargeysa waxan filayaa in ay tahay odaygii aabihii ahaa oo loogu qaylo diray oo loo sheegay in aanay kana bixin kuna jirin. Taasi ma siyaasad bay noqonaysaa mise sabab bini’aadminimo?
Kee baase mudan siyaasadda iyo bini aadminimada. Kolay aniga xagayga waxa mudan bini’aadminimada balse way jiri karaan dad ay siyaasaddu kala mudan tahay dadninada iyo xataa malaha diinta islaamka. Iyagana waa garashadooda.
Xataa dhinaca diinta in loo diido in aabihii oo sakaraad ah dul yimaado iyo in loo ogolaado waxa sax ah in loo ogolaado; dadnimo ahaan, diin ahaan iyo dhaqan ahaanba.
Balse qofka intaaba aan xeerinayn badda ha ku dhacdo haduu doonayo. Waxa uu sheegi karo ayaaba iska yare. Hadda kuma jiraan kuwa aan sheegayo caruurta dhalatay 90s-kii ee aan iyagu wax badan ogayni”
Hayaannews, Office
Hargeysa, Somaliland
