Hargeysa(Hayaannews): Wefti ka socda Midowga Xisbiyada Siyaasada Waddanka Koonfur Afrika oo uu Hogaaminayo Safiirka Somaliland u fadhiya dalka Koonfur Afrika Axmed Jaamac Xasan ayaa dalka Socdaal ku yimid.
Safiirka Somaliland u fadhiya dalka Koonfur Afrika Ambassador Axmed Jaamac Xasan Shire Gaaweeto oo warbaahinta kula hadlayey Magaalada Hargeysa ayaa waxa uu Sheegay in Socdaalkoodu la Xidhiidho Shirkii lagu garab-istaagay Qaddiyada Somaliland ee 23 kii bishii November ka dhacay Magaalada Johannesburg ee dalka Koonfur Afrika,
Axmed Jaamac oo faah-faahin ka bixinayay U-jeeddada Weftigani u yimi dalka.waxa uu yidhi”Socdaalkan aanu ku nimi dalka waxa uu daaran-yahay oo uu dabo socdaa Shirkii lagu garab istaagayay Qaddiyada Jamhuuriyadda Somaliland 23 ilaa 24 Bishii hore November ka dhacay Magaalada Johannesburg ee dalka Koonfur Afrika,waxaana ka mid ahaa waxyaabihii Shirkaa ka soo baxay in Shir Maalgashi iyo Ganacsi oo lagu qabto Sannadkan fooda inagu soo haya Saddexda Bilood ee ugu horeeya Magaalada Johannesburg, Shirkaas oo ay ka soo qaybgali doonaan ganacsatada Waddanka Koonfur Afrika sidoo kale lagu soo marti-qaado Ganacsatada Somaliland oo wax soo saarka aynu soo saarno lagu soo bandhigo Shirkaas,”.
“Waxaana Shirkaas loo sameeyay guddi ka kooban toddoba Xubnood waxaana imika ila socda oo weftigan ka mida xubinta guddoomiyaha ah Shirkaas National Organizer of the South Africa Communist Party-SACP Mhelekwa Nxumalo,waxaana uu noqon doonaa Shirkaasu mid ay iska kaashanayaan labada dawladood Somaliland iyo koonfur Afrika waxaana laga sii Wada-hadli doonaa sii loo sii saxi lahaa in shirkaasu qabsoomo,”.
#Hayaannews, Office
Hargeysa, Somaliland
Email: Hayaannewssoma@gmail.com
