|
|
Hargeysa(Hayaannews):- Madaxweynaha Somaliland Muuse Biixi Cabdi, ayaa Maanta Xeer Madaxweyne ku dhaqan-geliyey maalinta la bilaabayo diiwaangelinta Cod-bixiyayaasha doorashooyinka Somaliland, ka dib markii ay dhawaan golayaasha Baarlamaanku ansixiyeen.
Wareegtada Xeerka Madaxweynuhu ku dhaqan-geliyey qabashada diiwaangelinta Cod-bixiyayaasha doorashooyinka oo nuqul ka mid ahi soo gaadhay warbaahinta aftahannews, waxay u dhignayd sidatan:-
“XEER MADAXWEYNE Taariikh: 04 /11/2020 –
Madaxweynaha Jamhuuriyadda Somaliland, Mudane Muuse Biixi Cabdi waxa uu xeer madaxweyne oo summadeedu tahay JSL/XM/XM/249-574/112020, uu ku dhaqan-geliyey maalinta la bilaabayo Diiwaan-gelinta Cod-bixiyayaasha Doorashooyinka.
Waxaanu u dhignayd Xeerka Madaxweynuhu Sidan:-
Xeer Madaxweyne Lr. 09/112020
Diiwaan-gelinta Cod-bixiyayaasha
Markaan Arkay: Qodobka 90aad ee Dastuurka Jamhuuriyadda Somaliland;
Markaan Arkay: Qodobka 44aad ee Xeerka Guud ee Doorashooyinka iyo Diiwaangelinta Cod-bixiyayaasha Xeer Lr. 91/2020;
Markaan Tix-geliyey: Qoraalka Komishanka Doorashooyinka Qaranka ee summaddiisu tahay KDQ/XK/076/2020, kuna taariikhaysan 28/10/20;
Markaan Dersay: Soo-jeedinta Komishanka Doorashooyinka Qaranka ee Wakhtiga Qabashada Diiwaan-gelinta Cod-bixiyayaasha;
Waxaan Go’aamiyey;
In Diiwaan-gelinta Cod-bixiyayaasha doorashooyinku ka bilaabanto Jamhuuriyadda Somaliland Maalinta Axadda ee taariikhdu tahay 29/11/2020. ALLAA MAHAD LEH.”
Hayaannews, Office
Hargeysa, Somaliland Ema9il: Hayannewssoma@gmail.com