Muqdisho(Hayaannews: Ra’iisal Wasaharaha Soomaaliya Maxamed Xuseen Rooble ayaa xilka ka qaaday wasiirkii arrimaha dibedda Soomaaliya Axmed Ciise Cawad.
Wasiirka cusub ee arrimaha dibedda ayaa waxa loo magacaabay Maxamed Cabdirisaaq Maxamuud Abuubakar,
Sida waxa lagu sheegay wareegto uu ku saxeexan-yahay Ra’iisal wasaaraha Soomaaliya Maxamed Xuseen Roobe oo uu caawa baahiyay.
Wasiirka warfaafinta Soomaaliya Mudane Cismaan Abuukar Dubbe ayaa wareegtada ka akhriyay Telefishinka Qaranka, iyada oo aanu sheegin sababta xilka looga qaaday Cawad.
Wasiirka ayaa sidoo kale sheegay in Wareegto ka soo baxday Xafiiska madaxweyne Maxamed Cabdullaahi Farmaajo loogu magacaabay Axmed Ciise Cawad inuu noqdo safiir, balse lama sheegin dalka.
Xil ka qaadista Cawad ayaa timid 24 saac kadib markii wasaaradda arrimaha dibedda ay boggeeda twitter ka saartay qoraal looga hadlayey xaaladda dagaalka Ethiopia, qoraalkaas oo Cawad uu sheegay inuu ahaa mid aan sax ahayn.
Lama oga waxa sababay xil ka qaadista Wasiir Axmed Ciise Cawed, balse xil ka qaadistiisa ayaa ku soo beegantay, ka dib markii uu Wasiir Cawed uu Twitter-kiisa ku beeniyey War Shalay lagu baahiyey Twittwr-ka Wasaaradda arrimaha dibedda Dawladda Soomaaliya, kaasi oo lagu sheegay in Dawladd Soomaaliya ka walaacsan tahay xaaladda ka taagan dalka Itoobiya isla-markaana taageersan tahay Midnimada Itoobiya – kuna baaqayso in Xaaladda taagan lagu dhameeyo Wada-hadal.
Hayaannews, Office
Muqdisho, Soomaaliya
