Muqdisho(Hayaannews) -Guddoomiyaha baarlamaanka aqalka sare ee  Soomaaliya Md. Cabdi Xaashi Cabdullaahi, ayaa sheegay inaanay xukuumada Soomaaliya xaq u lahayn inay soo magacowdo guddida maamulaya doorashooyinka Wakiilada gobolada Waqooyi u matalaya labada Aqal ee Baarlamaanka.

Sidaa waxa lagu sheegay Warsaxaafadeed ku saxeexan-yahay oo ay maanta heshay Shabakada Wararka ee Hayaannews, isaga intaasi ku daray in xukuumadda Soomaaliya isku dayayso in ay magacaabayso guddidan iyadoo la tashanaysa siyaasiyiinta gobolada waqooyi, laakiin wuxuu caddeeyay haddii tallaabadaas la qaado in ay dhaawac ku tahay hannaanka madax banaanida doorashada.

Gudoomiyaha aqalka sare wuxuu sheegay xukuumadda federalka in aysan xaq u lahayn in ay iyadu soo magacowdo guddiga doorashada, wuxuuna gudoomiyuhu tilmaamay in la raacayo hannaankii doorashadii 2016.