”Warbaahinta Somailand waxa haysta Caqabaddo waaweyn oo ubaahan in wax laga qabto xoriyaddeeda iyo tayadeedaba”

Hargeysa(Hayaannews); Agaasimihii hore ee Ururka Suxufiyiinta Somaliland ee SOLJA Yahye Xanas ayaa sheegay inay warbaahinta Somaliland ay haystaan caqabado waa- weyn oo u baahan in wax laga qabto, isla arkaana waxa uu soo bandhigay muddadii uu la shaqeynayay SOLJA waxa u qabsoomay.

Sidaa waxa u uku sheegay Yahye Xanas maanta qoraal uu u saxeexan-yahay oo ay nuqul ka mid ah ay heshay Shabakada Wararka ee Hayaannews.

Waxaanu u dhignaa sidan:

“Muddo 5 sanno ah oo aan ahaa Agaasimaha Fulinta ee ururka suxufiyiinta Somaliland ee SOLJA, waxa aan si iskay ah uga tegay Shaqadii aniga oo sii ambaqaadi doona qorshahayga geedi-socodka horumarineed shaqo-kalena ku wareegay.

Intii aan ahaa Agaasimaha SOLJA, waxa aan qabanay wax la taaban karo oo ay ugu mugweyn yihiin:

-Dhisidda Xafiis shaqaynaya oo u dhamaystiran yihiin agabkii, shaqaalihii iyo shuruucdiisa, maanta SOLJA waa ururadda u cad-cad kuwa Bulshadda oo wadda-shaqayn la leh ururadda Gobolka iyo Caalamkaba, kuwaas oo si joogta ah ugu soo casuuma shirarka oo u saamaxay in ay Masuuliyiintu cilaaqaad la yeeshaan dhigoodda caalamka.

-Diwaangelinta Suxufiyiinta oo casri ah

-Hirgalinta Kuliyadda Saxaafadda ee Jaamacadda Hargeysa.

-Qabyo-Qoraalka Xeerka Saxaafadda oo maanta xarunta Baarlamaanka u yaal Ansixintiisa.

– Aasaasidda Cawke Media Award iyo qabashada shirka Saxaafadda 5 sanno o xidhiidh ah.

-Tababarro joogta oo ku xidhan baahiyaha Suxufiyiinta iyo Hayadaha Warbaahinta.

– Ka qayb-galka Shirarka caalamka ah oo lagaga tashanayo Horumarinta Saxaafadda, oo sahlay in SOLJA ku biirtay dallado caalami ah oo u taagan ilaalinta Xoriyadda warbaahinta sida Centre for Protection of Journalists-CPJ, Reporters without Borders, African Media Leaders Forum-AMI iyo Global Media Development Forum-GMFD.

Iyadda oo sidaas ah hadanna warbaahinta Somailand waxa haysta Caqabaddo waaweyn oo ubaahan in wax laga qabto oo ay u horeyso Xoriyaddeeda iyo Tayadeedaba in kor loo sii qaado.

Runtii SOLJA keliya ma ahayn Xafiis aan u shaqo tago, waxa ay ii saamaxday in aan wadda-shaqayn la yeesho masuuliyiinta u saraysa dalka, masuuliyiin iyo dad magac ku leh Soomaalidda, Africa & Caalamkaba.”

Hayaannews, Office

Hargeysa, Somaliland

Email: Hayaannewssoma@gmail.com