|
|
Hargeysa(Hayaannews): Waa gabay cusub oo la yidhaahdo ‘Saddexdii Maanlaawe’ waxaana tirisay Abwaan Nimco Aadan Hurre (Nimco Gabaydo), waxaanu soo baxay taariikhdu markay ahayd 7/12/2013,waxaanu u dhignaa gabaygu sidan:
Bulshada Soomaalilaaneey
Siyaasigu wacad ma yeesho
Sirdoonkuna ma, laha aammin
Waxay ehel iyo sokeeye
Saxiibo noqdaan dantoodu
Cidday subaxba u tilmaanto
Qofkuna bari sidii uu yeelay
Si leeg ilamaa la yeello
Ma dhaado falkuu sameeyey
Sax iyo khalad miduu ku sheego
Sidaan qabo aadamuhuna
Talada waw simanyihiine
siyaasadu caynkan maaha
Sahwiga iyo beenta maaha
Runtoo laga soomo maaha
xaqoo la saluugo maaha
Inaan samo ka aradnaanoon
Xumaan ku sifoowno maaha
Inaan xayaday iska saarno
Xishoodkana siibno maaha
Baadilkoon u siyaaxno maaha
Cadliga seef goysa maaha
Salaanka dulmigana maaha
Inaan samo ka aradnaanoon
Xumaan ku sifoowno maaha
Inaan xayaday iska saarno
Xishoodkana siibno maaha
Anshaxa inaan saydhno maaha
Siyaasaddu maaha maaha
Caqliga samirkiyo damiirka
Asluubtiyo dhaqanka suuban
Sowraca gobonimiyo sharafta
Sidday u dhantahay dadnimadu
Innaan Siiroo garaynoon
Sabool iyo caydh ka noqono
Siyaasaddu maaha gacalo
Samsameey madaxweynaheena
Axmed iyo sowjaddiisa
Inaan sanifnoon u tirino
Inaan ku sasnoon dhaliilno
Inaan suuqyadda ka cayno
Sidaanu doonana u hadalno
Siyaasaddu caynkan maaha
Ma aha sodoh qiimo badanoo
Si weyn loo wada qadariyoo
Xushmiyo mudan soo dhaweynoo
Saygeediina uu xijaabtay
Sum cadeeda inaynu waxyeelno
Siyaasaddu maaha maaha
Marxuun saacadiis dhamaatay
Xabaashiyo Iilka seexday
Inandanu hilibkiisa saafno
Inaan sahal mayd u xamano
Aduunka maxkamad ku saarno
Siyaasaddi caynkan maaha
Sandoonow qaylo maaha
Ha la iswada seego maaha
Ha la isku sanaadho maaha
Sokeeye colooba maaha
Khiyaamee iyo sir maaha
Cadaawad sameyso maaha
Siyaasadu caynkan maaha
Saxaafada qowlal maaha
Muwaadin codkii ku siiyey
Xaqiisana seeji maaha
Sidii rangers guryaha oo
Saqdhexe loo daato maaha
Inaan sardhino iyo maaha
Kursiga qaranka ii sitaacan
Ka fuulayna ha isa siiyo
Ka doonayna ha u sakhraamo
Saakana haddal iyo goaankay
Hablaha Somalilandee
Suugaan ugub inaan ku baaqo
Iyaga sababta u ahaadoo
Sidii shanta maal aduunyo
Ragaa idin kala suntadayee
Misana isukiin saliday ee
Safeyn ugu kala jirtaan
Saddexdii maanlaawe weeye.
Saha iyo damac isku wadiyo
Sedkay isku laynayaana
Kumaba lihin saami qaybsi
Waxaad ugu sacabtuntaana
Sadooy waa dhoy la aane
Siddi siddi diina mooyee
Hubsada suubaan dhaciina
Ayidda samadka ina uuntay
Samow ku saliya rasuulka
Guriyaha salka dhiga xijaabta
Sitaadkeenii bilaaba
Ragow sidatani si maaha
Si aan ku qancaayo maaha
Walaahi si fiican maaha
Amaanadii aad sideena
Inaad dayacdaan sax maaha
Samaaloow miyaan aduunka
Siduu u dhan yahay xilkiisa
Rabigu dumaddiina saarin.
Maxaydun siddaas u yeeli
Maxaydun u sibiq dhaqaaqi
Maxaydun seeri dhaafi
Muxuu suudhkiyo tayga
Seetada dabarkiyo hogaanka
Iblaysku idiinku soohday.
Allaha saatiru raxmaana ah
U soo noqda waad gafteen e
Salaamka u toobad keena
Sujuud dhiga oo ducaysta
Sidaa iyo macasaalama
Nimco Aadan Hurre ( Nimco Gabaydo)
Hayaannews, Office
Hargeysa, Somaliland
Email: Hayaannewssoma@gmail.com