“Labada shacab ee Soomaaliyeed ay yihiin kuwo dhiig iyo dhaqanba wadaaga,….”
Jigjiga(Hayaannews* Wefti uu hogaaminayo hogaanka nabadgelyada dawlad deegaanka Soomaalida Ethiopia DDS ayaa soo gaadhay Caasimada Somaliland ee Hargeysa, kadib markii ay galabka ka soo kicitimeen Magaalada Jigjiga.
Sida waxa Shabakada Wararka ee Hayaannews u xaqiijiyey Madaxweynaha Dawlada deegaanka Soomaalida Ethiopia Mustafe Maxamuud Cumar.
Waxaa galabta ka ambabaxay Caasimada DDS ee jigjiga wefti uu hogaaminayo hogaanka nabadgeliyada DDS Dr. Hussein Hashi isla markaana ay wehelinaya taliyaha guud ee Ciidanka xooga gaarka ah ee DDS General Haji, la-taliyihiisa mudane Haji Mataan iyo saraakiisha ciidanka milatariga qaranka ee fadhigoodu yahay DDS.
U-jeedada Safarka Weftigan ayaa daaran kulan dhanka amaanka ah oo ka dhacaya Caasimada Somaliland ee Hargeysa.
Waxaa xusid mudan in Somaliland iyo DDS ay leeyihiin soohdin dheer isla markaana ay labada shacab ee Soomaaliyeed ay yihiin kuwo dhiig iyo dhaqanba wadaaga, taasoo amaanka labadda dhinac ka dhigaysa mid marwalba isku tiirsan.
Hayaannews, office
Hargeysa, Somaliland
