Muqdisho(Hayaannews): Dawlada Federaalka Soomaaliya ayaa soo dhaweysay sida uu Madaxweynaha Somaliland Md. Muuse Biixi Cabdi uu u aqbalay in wada shaqeyn dhow yeeshaan Dawlada Soomaaliya
Sidaa Waxa lagu sheegay Warsaxafadeed ka soo baxay caawa Xarunta madaxtooyada Soomaaliya, waxaanu u dhignaa sidan:
“Dowladda Federaalka Soomaaliya waxay bogaadineysaa sida Madaxweynaha Maamulka Soomaaliland Mudane Muuse Biixi Cabdi uu u aqbalay in Maamulkiisa iyo Dowladda Federaalka Soomaaliya ay wada shaqeyn dhaw yeeshaan.
Dowladdu waxay u aragtaa in tallaabo wanaagsan hore loo qaaday, waxayna xoojineynaa aqbalaadda Madaxweyne Biixi, iyada oo diyaar u ah in ay ka miro dhaliso wada shaqeyntaas.
Sidoo kale, Dowladda Federaalka Soomaaliya waxay dhiirrigelinaysaa dadaalka uu wado Ra’iisul Wasaaraha Itoobiya Mudane Abiy Axmed oo muujiyay sida ay uga go’antahay dardargelinta isdhexgalka dhaqaale ee Geeska Afrika oo ay Dowladaha Soomaaliya, Itoobiya iyo Eritreeya hormuudka ka yihiin.
Dowladda Federaalka Soomaaliya waxay u taagantahay sidii hore loogu sii wadi lahaa wada hadallada xoojinaaya wadashaqeynta, loona abuuri lahaa jawi wanaagsan iyo horumar.”
Hadalkan ka soo yeedhay dawlada Soomaaliya ayaa ka danbeeyey, kadib markii uu maanta socdaal shaqo uu Madaxweynaha Somaliland Md. Muuse Biixi Cabdi ku tagay dalka Ethiopia.
Mustafe-Janaale
Hayaannews, Office
Mudisho Soomaaliya
