Hargeysa(Hayaannews): Ugaas guud ee Beelaha Somaliland Ugaas Axmed Maxamed Siciid (Axmed Cali-MAHDI) ayaa waxa uu tiriyey Maanso Cusub la magacbaxday “DHOOHANE IS DABA QABO” oo leh wajiyo iyo dhacdooyin badan, tallooyin ku wajahan Dad badan iyo go’aamo ku talo gel leh wakhtiga xaadirka ah
Hadaba Shabakada Wararka ee #Hayaannews ayaa waxa u soo gudbinaysa akhristayaasheeda, waxaanay u dhignayd sidan:
Wuxuuna yidhi sidan:-
DHOOHANE IS DABA QABO
Ninkii Dhiilka kuu culay
Caanaha dhan kugu yidhi
Amba dhayda Maandeeq
Isagoon dhadhamin wali
Marna dhaqasho kaa rabay
Adiguna dhabcaal yahow
Miyuu kuugu dhacay Ceel
Casharadii u kuu dhigay
Awogaa ku dhabar jabay
Tolna kala dhaqaaqeen
Codka dhiibo kugu yidhi
Kuna dhererso qayrkaa
Si Nin dheer u soco oo
Igu dhaado kugu yidhi
Adoon dhigan abaal dhaba
Dhib markaad la kulantiyo
Jartii cadawgu kuu dhigay
Kaa ilaashay Dhuuryada
Iyo dhaawac fara badan
Inta aysan kugu dhicin
Dhimashada xanuunka le
Adna Dhuxun ku reebow
Waad dhaqan xumaato
Sheekadii dheg dheer iyo
Weedhahii dhan xiirkiyo
Rag wuxuu ka dhiidhiyo
Hebel baa wax ii dhimay
Ku dheeraatay ceebayn
Biyo kama dhibcaan iyo
Dhabna kuugu sheege
Dhego yeelo oo maqal
Waligay kumaan dhihin
Dhihi maayo maantana
Luqun baa far dhaaftee
Dhagax ba halka yaala
Tallo iyo dhamaadkeed
Dheel dheel ciyaar iyo
Lax dhunkani abaar mood
Soo dhaaf warkaaguye
Maandeeq ka dhaxasho
Dhib yaraan la hoyatee
Soo dhawaynta la ogoow
Waanad dhaba baycayso
Waad dhallaan hadaaqde
Dhulka garo in kugu filan
Maruun dhawr xishoodko
Yeelahaagan kala dhacay
Dhaadanaata ka fagow
Adna dhagax dixeedoow
Hebelkaa Dhul yaaloow
Xil ma dhibe ma dhaadow
Dhawr saniyo dheeraad
Dhito iyo dhab hadalkii
Wixii dhagar laguu galay
Ama dhiig laguu shubay
Waad dhabar garaacdo
Dhib yaraan xaraashtee
Dhicis iyo ma dhaamiyo
Dhurwaagii Gamaad iyo
Bahal baad u dhiibtoo
Waanad kala dhantaashe
Ku dhahee dhaqaaqoo
Dhoohane is daba qabo.
Anna doorkan dhaantada
Iyo dheesha cugashadu
Nin dhawaaqay meelee
Halka aan dhidbanayana
Dhanku xigo tilmaanteed
Waa dharaar cad muuqaal
Hadal iyo dhamaadkii
Nacas iyo dhiggii maaha
Doqon iyo dhegweyn maaha
Ninan dhiig lahayn maaha
Dhankan iyo dhankaa raace
Oon dhiirran karin maaha
Siin iyo Dhareer maaha
Geesi dhaatay weeyaane
Maalintay dhanaanaato
Ama laysla dhaco Suuga
Dhibta iyo kulayko dhan
Dalka dhiciya weeyaane
Markuu dhiibo ruuxdiisa
Dhulka sheegta weeyaane
Ha la dhawro waa guule.
Kuu sheege yeelka !!!
Hayaannews, Office
Hargeysa, Somaliland
Email: hayaannewsonline@gmail.com
