Hargeysa(Hayaannews): Alle ha u naxariiste #Abwaan_Mursal_Sulub_Muuse oo ka mida Abwaanada reer Somaliland ayaa maanta ku geeriyooday Magaalada Hargeysa.
Abwaan Mursal waxa uu ahaa qof garasho iyo caqli ILAAHAY ku manaystay, isla markaana xurmo baddan oo hal-abuura oo qofka bartaa aanu ka xiiso go’ayn.
Alle ha u naxariiste Abwaan Mursal waxa uu ahaa qof dadka jecel oo sheeko baddan, isla markaana ku caan-baxay Maaso la yidhaahdo “ABAAL-HOOYO”, isaga oo ku sheegay in aanay jirin cid gudi karta abaal-hooyo, wuxuu rabi magacyadiisa baddan ku weydiistay in maadaama ifka lagu waareyn uu isaga (Marxuum Abwaan Mursal) iyo Hooyadii uu ku Kulansiiyo Bustaanada Jannada iyo dhammaan ummada Nebi Muxamed N.N.K.H.
Waxaana tuducyada Gabayga ka mid ah:
Macnaha loo abuuray koonka
Makhluuquu eebe uumay
Masay ka yihiin xaqiiqe
Haduu yahay ruux masuula
Mansab iyo maamul haysta
Loo meel dayo qaladadiisa
Mudnaantiisana la sheego
Dadkuba uu wada majeerto
Awoodiisana la maago
Iyo kii aan meelba haysan
Miskiineen tamar-na haynin
Midhkuu taro laga masuugo
Markuu hadlo layska dhaafo
Labaduba meertadan aduunka
Midkood-na ma waari doonee
Mar uun buu iman xaqiisu
La odhan maanta keen naftiiye
Ma buuxsanto waa aduune
Dhib iyo murugaba dhex taalle
Mudadu waa kama war hayne
Xaqiiqduna waa midhkaase
Maantana inuu tagay nin wayni
May soo tabiyeen war dhiilo
Murugo badanoo xanuun ah
Marxuum inuu yahay abwaankii
Ho’ydoo mursal uu god jiifo
Mugwayn janadii fardawsa
Mawloow ugu deeq marxuumka
Mawloow qabrigana u nuuri
Mawloow malagyada su’aasha
Markay warsadaan u muuji
Inuu sax u maro jawaabta
Samirka maankiyo quluubta
Mawloow uga reeb xiskooda
Intaan ka mid ahay dadkiisa
Mawloow ehel iyo asxaaba.
HALKAN KA DAALACO GABAYGII
Bahda Shabakada Wararka ee Hayaannews waxay Tacsi tiiraanyo leh u dirayaan Qoyskii, Eheladii,Qaraabadii iyo guud ahaan shacabka reer Somaliland ee uu ka baxay Alle u naxariiste Abwaan Mursal Sulub Muuse oo maanta oo ay taariikhdu ahayd 30.1.2021 ku geeriyooday Magaalada Hargeysa.
Waxaanan Marxuumka ILAAHAY uga baryayaan inuu janadiisii Fardowsa ka waraabiyo, Qoyskii, Ehelkii, iyo Bahda Fanka iyo Suugaanta ee uu ka baxayna Samir iyo iimaan saadiqa ILAAHAY ha ka siiyo.
Aamiin……………………………………….Aamiin………………………………Aamiin.
#Hayaannews, Office
Hargeysa, Somaliland
Email: Hayaannewssoma@gmail.com
