HAYAANNEWS.NET
Dawlada Somaliland Oo Go’aamo ka Soo Saartay Adeegsiga Gaadiidka Gurran Iyo Soo dejinta Gaadiidka Vitz-ta
November 6, 2020 - Written by admin


Hargeysa(Hayaannews):- Golaha Wasiirrada Xukuumadda Somaliland, ayaa soo saaray go’aanno lagu joojinayo soo dejinta Gaadiidka yaryar ee Tagaasida ah ee Vitsta loo yaqaanno iyo sidoo kale Gaadiidka dhanka midigta Isteerinka ku leh.

War-saxaafadeed qoraal ah oo ka soo baxay madaxtooyada Somaliland oo lagaga warbixiyey Shirka fadhiga 66-aad ee golaha Wasiirrada Xukuumadda Madaxweyne Muuse Biixi ee Khamiistii shalay qabsoomay, ayaa nuqul ka mid ahi so ogaadhay warbaahinta Hayaannews, waxaanu u dhignaa sidatan:-

“Fadhigii 66aad ee golaha wasiirrada Jamhuuriyadda Somaliland ay ku yeeshay habka Maqalka iyo Muuqaalka (Video Conference) oo uu shir guddoominayey Madaxweynaha Jamhuuriyadda Somaliland, Mudane Muuse Biixi Cabdi ayaa warbixin lagaga dhigeystay wasiirka arrimaha gudaha Somaliland, iyadoo goluhuna dood iyo falan-qayn dheer ka dib uu go’aamo ka gaadhay gaadiidka gurran ee dalka laga istcimaalo.

Ugu horayn waxa goluhu warbixin ka dhegeystay wasiirka wasaaradda arrimaha gudaha Somaliland, waxaanu xusay in xaalada guud ee dalku tahay mid nabadgelyo ah, wuxuuna amaan iyo bogaadin u soo jeediyey ciidamada kala duwan ee heeganka u ah arrimaha nabadgelyo dalka.

Goluhu wuxuu ka dooday wax-ka-bedelka iyo kaabista xeerka gaadiidka iyo wado marista Somaliland, Xeer Lr.56/2013, xeerkan oo ka mid ah xeerarka ugu muhiimsan ee qaranku leeyahay, waxyaalaha muhiimka ah ee uu ka hadlayana ay ka mid ahayeen:- Nidaamka maamulka gaadiidka iyo diwaangelintooda.

Ø  Noocyada kala duwan ee gaadiidka.

Ø  Ruqsada wadida gaadiidka.

Ø  Nidaamka waddo marista iyo haadadka iyo

Ø  Badbaadada gaadiidka iyo hanaanka badqabka gaadiidka.

Xeerkaas oo ay fulintiisa qayb muhiima ka yihiin hay’addo badan oo xukuumadda ah.

Dhinaca kale guddi hore goluhu ugu xilsaaray ka soo tallo bixinta gaadiidka gurran ee dalka laga isticmaalo ayaa golaha la wadaagay warbixin ku aadan sidii wax looga qaban lahaa gaadiidka gurran ee dalka laga isticmaalo iyo gaadiidka yaryar ee aan manfaca badan u lahayn bulshada, iyagoo xusay in tobankii bilood ee u danbeeyey sannadkan 2020 ay dalka soo galeen in ka badan 8,628 gaadhi oo badankoodu ay yihiin baabuurta aan manfaca muhiimka u lahayn bulshada.

Haddaba, Dood iyo falan-qayn dheer ka dib goluhu wuxuu go’aamiyey in aan gebi ahaanba lasoo dejin karin gaadiidka gurran ee isteerinka ku leh dhinaca midigta, si la isu waafajiyo gaadiidka dalka laga isticmaalo iyo haadka saxda ah ee dalka. Waxa kale oo goluhu go’aamiyey in la joojiyo gaadiidka aan manfaca u lahayn bulshada gaar ahaan gaadiidka yaryar ee Vitz. goluhu wuxuu wasaaradda gaadiidka iyo horumarinta jidadka u xilsaaray hirgelinta go’aamadaas.

Sidoo kale waxa golaha loo qaybiyey Xeerka Adeegga Kaalmada Sharci oo ay golaha hor keentay wasaaradda Cadaaladda, xeerkan oo muhiimad siinaya dadka danyarta.

Ugu danbayn golaha wasiirradu wuxuu hambalyeeyey habsami u socodka koobka gobolada Somaliland ee ka socda Caasimada Somaliland ee Hargeysa.” sidaa ayaa lagu yidhi War-saxaafadeedka Afhayeenka madaxtooyadu ka soo saaray natiijada shirka golaha Wasiirrada Somaliland.

Hayaannews, Office

Hargeysa, Somaliland

Email: Hayaannewssoma@gmail.com

COMMENTS
- A. N. & Horumarka
- Afka Hooyo
- Afnugaal
- Aftahan
- Alaybadday
- Aljazeera
- Aljzeera English
- Allaybday
- Almisnews
- altaqwaa
- Amiin Caamir
- Araweelo News
- ASKAR'S BLOG
- awdalpost
- BBC SOMNALI
- Berberatoday
- Berberapress
- Burao university
- Burco Online
- Caroog
- djiboutimedia.com
- Djiboutination
- durdurnews
- Farshaxan
- Gabileynews
- Gabiley24
- Gabooyelive;com
- Gamuur Trading Company
- Gardo
- Geeska.net
- Goljano
- haatufnews
- Hadhwanaagnews
- Hayaannnews
- hornjobs
- Hubaalmedia
- Hargeysa-online
- hoyga suugaanta
- jamhuuriya news
- Murtimaal
- Ogaalnews.Net
- Oodwayne News
- puntboys
- qarannews
- QODAaL.COM
- Qtlhost.COM
- Raadtv international
- Radio somaliland
- Radio Timacade
- Radiohargeysa
- RadioHargeysa24
- Ramaasnews
- Saaxilnews
- SalalNews
- Sallaxlaynews
- Sanaag.org
- Sanlaawenews
- sdwo
- sheekhumal.net
- Somalilandpress
- Somdaily.com
- Somaligoal.com
- Somaliweyn
- sooyaal
- Timacade News
- TogaHerer
- Togdheernews
- tvSomalilandEurope
- Waaheen
- Wanaagfaris
- warya Tv
- Watershed Legal Service
- WAJAALENEWS
- www.caalaminews.com
- www.radiohargaysa.net
- www.Timacade.com
- Xidigtanews
- XOGDOON NEWS
- Xoriyonews