Hargeysa(Hayaannews):- Madaxweynaha Somaliland Muuse Biixi Cabdi, ayaa aafo Qaran oo muddooyinkii u dambeeyey waddanka ku soo batay ku tilmaamay tacaddiyada loo geysto haweenka oo Kufsigu ugu horreeyo, waxaanu sheegay inay xukuumad ahaan meel adag ka taagan yihiin in sharciga la horgeeyo cid kasta oo dambi geysata.
Madaxeyne Biixi oo khudbad ka jeediyey shirweynaha 4aad ee Xisbiga Kulmiye oo uu maanta furay, waxa uu sheegay inay xukuumad ahaan ku hawlan yihiin sharci gaar ah oo lagula dagaallamayo dhibaatada Kufsiga, si qofka dambiilaha ah sharciga loo mariyo.
